Flem - Bell'aura da la fin d'emna carmala puspè blers giasts

La glieud va giuador

La bell’aura ha la fin d’emna danovamain attratg bleras persunas en las muntognas. La supplica da la Confederaziun da restar a chasa, n’ha ina gronda part da la populaziun betg resguardà. Era il scumond d’access al Lag la Cauma che la vischnanca da Flem ha relaschà, n’ha betg impedì rotschas da glieud dasper il lai – simplamain dador la saiv ed en il guaud tranter Flem e Trin.

Tegnair distanza

Ina gronda part da la populaziun resguarda ch’igl è necessari da tegnair distanza in da l’auter. Uschia eran las bleras persunas sulet ubain en fitg pitschnas gruppas da viadi .

Schizunt sin la plazza da giugar guardavan ils geniturs che lur uffants n’hajan betg contact cun uffants esters.