Il glindesdi suentermezdi hai dà in accident mortal en il territori da skis da Laax. Ina giuvna Brita da 13 onns è ida cun skis dasper la pista ensemen cun ses bab. Tenor emprimas enconuschientschas è ella cupitgada giond giu d'ina spunda taissa ed è crudada cunter in grip. Ella è sa blessada talmain ch'ella è morta anc en il lieu da l'accident, sco la Polizia chantunala grischuna ha communitgà.
Per la tgira dals confamigliars è vegnì consultà il Care team Grischun. Ensemen cun la procura publica sclerescha la Polizia chantunala grischuna las circumstanzas che han manà a quest mortori.