Tar las elecziuns da la dumengia a Glion ha l'entira suprastanza stuì vegnir elegida. Carmelia Maissen, la presidenta da la vischnanca da Glion, Caroline Gasser Curschellas e Hanspeter Bundi èn vegnids reelegids. Per ils dus umens che han demissiunà èn vegnids nov en suprastanza Martin Capeder da Duvin ed Alice Bertogg da Sevgein. Quai ha la finala dà la nova constellaziun cun trais dunnas en suprastanza.
Quai dian las trais dunnas tar la nova cumposiziun da la suprastanza:
Tut las tematicas d'ina vischnanca pertutgan era las dunnas, fin ussa pensava inqual che vias, segirtad u selvicultura sajan mo temas dad umens. Ma pertutgà è adina l’entira populaziun, pia 50% dunnas.
Nus vegnin a far la politica che tutga da far en ina vischnanca.
Nus avain da far vinavant la lavur sco fin ussa, uschia che las fatschentas pon vegnir rugaladas en cumplaina cuntentientscha da la populaziun.
