La firma Distec a Mustér introducescha a partir dal mars lavur curta per ils collavuraturs en la producziun. Il motiv per la lavur curta saja ch'i na dettia naginas furniziuns ord la China pervi dal virus da Corona, scriva la HR-Group Holding en ina communicaziun. Tras l'introducziun da la lavur curta vul ins impedir disditgas e segirar a lunga vista la fabrica a Mustér.
Pertutgadas èn maximalmain 40 persunas. Questa cifra po dentant variar da di per di. En tut lavuran tar la Distec a Mustér actualmain var 70 persunas.
Ord l'archiv
RTR novitads 12:00