A Cumpadials è in auto brischà oz cumplainamain. In manischunz da 72 onns ha constatà ina sminuziun da la prestaziun dal vehichel. El ha fermà quel a l'ur da la via ed ha vesì ch'i brischava. Immediat haja el sinaquai alarmà la polizia, rapporta la Polizia chantunala.
Malgrà ch'ils pumpiers èn stads svelt al lieu è l'auto ars dal tut. Er in vehichel ch'era parcà en la vischinanza è vegnì donnegia. Il terren ch'è vegnì contaminà da l'incendi ha stuì vegnir transportà davent. L'um nè betg vegnì blessà.