La viafier Matterhorn Gottard MGB è vi d'elavurar il pre-project e vul inoltrar quel la fin dal onn al Uffizi federal da traffic. Cun laschar temp da recurs a tuts ils involvids èsi pauc pussaivel che las lavurs cumenzan avant il 2027. Il pledader da medias da la Matterhorn Gottard di che las lavurs sajan a fin sin il pli baud la fin dal 2029.
Oriundamain eri previs che la staziun da Sedrun fiss stada realisada quest onn. Ils recurs cunter il surpassadi planisà e las lavurs da planisaziun supplementaras han manà al retard. Il project vegn a custar enturn 20 milliuns francs.