Il chor maschadà da Schluein dovra in nov dirigent u ina nova dirigenta. Suenter 20 onns engaschi ha il dirigent actual, Armon Ulber, dà giu ses post. La fin d'emna dals 25 da favrer 2023 ha il chor dà il davos concert cun il dirigent partent.
Sguard enavos sin dus decennis
Durant quels ventg onns avain nus fatg chaussas che jau crai betg mintga chor avess pudì far.
Ensemen cun in chor pitschen, che consista da sis dunnas e trais umens, tuttas e tuts buns amis dal dirigent ha il chor maschadà da Schluein divertì l'auditori. Quai cun stgazis musicals dals onns che Armon Ulber ha dirigì il chor.
Davos concert suenter ventg onns
-
Bild 1 von 4Legenda: Placats dals concerts da 20 onns. RTR -
Bild 2 von 4Legenda: Il chor ospitant. RTR
-
Bild 3 von 4Legenda: Il chor maschadà da Schluein en acziun. RTR
-
Bild 4 von 4Legenda: Reverenza suenter il concert. RTR
Per la successiun dad Armon Ulber stattan la vize-dirigenta ed il vize-dirigent a disposiziun. Co il chor vegn manà vinavant n'han els dus anc betg definì. Quai dependia dal dumber da chantaduras e chantadurs che cuntinueschian.
I dat intginas persunas che chantan tar nus pervi dals projects d’Armon. Era han plirs gia communitgà da vulair terminar l'engaschi en noss chor. Il mars stuain nus guardar co i va vinavant .
La speranza resta sco tar tut ils chors, da chattar persunas giuvnas che han la motivaziun da vegnir a chantar.