Cun la cumpra da la chasa leva la vischnanca da Trun mantegnair il maletg a l’entrada dal vitg.
Per l'entira parcella cun chasa e stalla ha la vischnanca offert ina summa da 250’000 francs. Il motiv daco ch'i na dat nagina cumpra n'è betg stà il pretsch da cumpra, mabain ils daners da la segirada da bajetgs. La segirada paja ina part da la summa dal donn sulet sche l'object vegn er puspè reconstruì. Quella summa da passa in mez milliun francs vuleva la vischnanca en cas d'ina cumpra per sasez. Dals tschintg proprietaris n'è in betg stà cuntent cun quella proposta. Uschia na vegn la chasa betg vendida.
La vischnanca avess survegnì pli blers daners da la segirada da bajetgs che quai ch’ella avess gì da pajar a nus per l'object. Nus avessan per uschè dir, regalà a la vischnanca tut ensemen plus 110’000 francs.
La vischnanca ha mai gì l'intent da far gudogn cun quella fatschenta. Sch’ils possessurs han il sentiment ch’ins savess far gudogn cun la chasa, duessan els empruvar da vegnir tar investiders privats.
Spazzar è il mument in scenari realistic
Enfin la fin d’october ston ils proprietaris da la chasa ussa decider tge far cun quella. La probabilitad che quella vegn stgarpada giu anc avant la fin da l'onn è il mument gronda.
-
Bild 1 von 4Legenda: Brida Carigiet, pledadra dals possessurs da la chasa Carigiet. RTR, Reto Pfister -
Bild 2 von 4Legenda: Chasa Carigiet a Trun suenter il brischament. RTR, Reto Pfister
-
Bild 3 von 4Legenda: Chasa Carigiet a Trun suenter il brischament. RTR, Reto Pfister
-
Bild 4 von 4Legenda: Dumeni Tomaschett, president communal Trun. RTR, Reto Pfister
RR actualitad 12:00