Campiunadi dals scrinaris - Ils emprendists e las emprendistas grischunas sa mesiran

Dals 28 enfin ils 31 d'october organisescha l'Uniun chantunala Grischuna dals scrinaris a Glion ed a Samedan las mastranzas per ils emprendists e las emprendistas da scrinari. Quai è l'emprima runda per la qualificaziun per ils Swiss skills e la finala per ils World skills, pia ils campiunadis mundials che han lieu l'onn 2026 a Schanghai.

audio

Campiunadi grischun d'emprendists ed emprendistas da scrinaria

06:20 min, ord Actualitad dals 29.10.2024. Maletg: RTR

laschar ir. Durada: 6 minutas 20 Secundas.

La concurrenza è averta per tut ils emprendists ed emprendistas dal segund enfin il quart onn d'emprendissadi. Els pon s'annunziar sez u vegnan annunziadas da lur patruns.

1 / 10

2 / 10

3 / 10

4 / 10

5 / 10

6 / 10

7 / 10

8 / 10

9 / 10

10 / 10

Per ils participants e las participantas munta quai da construir in object da lain – quest onn ina stgala dubla – entaifer in temp limità sin set uras. Durant la lavur dovran ils participants tut l'inschign ch'ellas emprendan en l'emprendissadi. Uschia dovri abilitads sco precisiun, effizienza, fantasia ed ina buna survista dal temp che stat a disposiziun.

audio

Campiunadi grischun: Tge motivescha ils emprendists da scrinaria?

05:36 min, ord Actualitad dals 29.10.2024. Maletg: RTR

laschar ir. Durada: 5 minutas 36 Secundas.

Jau fetsch quella concurrenza per ma preparar sin ils examens finals. Ils Swiss skills na interesseschan betg mai per il mument uschè fitg.