In'arma è per Andri Tomaschett insatge fitg persunal, insatge ch'è da tractar cun gronda precauziun. Precauziun e precisiun èn era abilitads ch'el dovra en ses mastergn. Dentant era en il temp liber cura ch'el va sez a sajettar: «Blera gnerva, vegnir da tegnair la gnerva, pazienza e cunzunt esser ferm en il chau», quai sajan qualitads che fetschian ora in bun tiradur, di Andri Tomaschett.
![Andri Tomaschett durant sia lavur sco fravi d'armas in um en in luvratori.](https://www.rtr.ch/static/cms/images/960w/39cd9c.jpg)
Oriundamain aveva el emprendì da scrinari, suenter ha el fatg il mastergn da fravi d'armas. Quest onn sco sulet en il Grischun. Dacurt è Andri Tomaschett ì a lavurar a Glaruna, là vul el rimnar novas experientschas e pli tard lura turnar enavos en la patria per avrir sez ina fatschenta.