Far in clip enstagl da dar ballape
Durant la pausa sfurzada entras la pandemia da corona na dastgan ils giugaders da ballape betg ir suenter a lur hobi preferì. Il temp liber han els nizzegià per crear in video ch’els han plazzà en las medias socialas. Ina rolla speziala gioga, sco en l’entira crisa da corona, il palpiri da tualetta.
D'ina stiva a l'autra
En il gieu virtual sgola il bal, respectiv la rolla palpiri, davent da tualetta d’in giugader a l’auter, dentant betg sin il plaz da ballape, mabain d’ina stiva a l’autra. Avant che tut entschaiva, datti anc las instrucziuns dal trenader.