Cura che Mathilda Derungs ha udì en il radio da la guerra en l'Ucraina ha ella pensà: «Jau na poss betg star be a chasa e far nagut, jau stos far insatge.» Sia beadia Ria ha creà in flyer che ha spert fatg la runda en las medias socialas. Persunas da l'entira Surselva han purtà material a Glion – en tut prest 9 tonnas. «Quai fa grod plascher e dat cuntentientscha», di Mathilda Derungs. Bleras persunas sajan fitg commuentadas da quai che capita en l'Ucraina e cuntentas, da pudair far ensatge.
Jau hai adina pensà che nus romontschas e romontschs na sajan betg flexibels – quai n'è dentant insumma betg il cass. Tuts èn stads fitg nuncumplitgads ed han gì in grond cor. Il material vegn uss transportà a Cuira, lura a Berna tar l'ambassada e da là vinavant al cunfin da l'Ucraina.