Mario Cortesi presidiescha dapi quatter onns la PPS da Cuira ed è schef da fracziun en il parlament da la chapitala. El duai succeder a Tom Leibundgut da la glista libra che na candidescha betg per in'ulteriura perioda d'uffizi. Mario Cortesi ha 60 onns, è creschì si a Cuira e lavura sco inschigner en la branscha dad IT e telecommunicaziun.
Cun la nominaziun da Mario Cortesi veglian ins puspè dar paisa ad ina politica burgaisa en la suprastanza da Cuira, scriva la PPS.
La terza candidatura
Per il sez che vegn liber datti fin uss trais candidaturas:
- Anita Mazzetta da la glista libra / Verda
- Sandra Maissen da la PCD
- Mario Cortesi da la PPS
Las elecziuns per la suprastanza da Cuira èn ils 17 da matg 2020.
RTR novitads 11:30
