L'onn 2018 ha la Viafier retica anc impundì 2,6 milliuns francs per segirar la rait da viafier encunter privels da natira. Ils davos tschintg onns lura mintg'onn minimum 5 milliuns francs. La pledadra da la Viafier retica di en il «Sonntagsblick»: «Nus quintain da dar or 7 milliuns francs per mantegnair e construir mesiras da segirtad».
Crudadas da crappa e bovas
Cunzunt cun crudadas da crappa stoppia la Viafier retica sa fatschentar. Dentant er bovas ed instabilitad d'entiras plauncas fatschentan. Il stgaudament dal clima chaschunia dapli ciclus da schelar e luar, e dapli plievgias grondas. En il rapport da gestiun 2021 vegn en quest connex numnà dapli bovas da glitta en la Ruinaulta.
-
Bild 1 von 2Legenda: Ils 13 d'avust 2014 ha ina bova laschà ir sur ils binaris in tren da la Viafier retica a Casti. Tschintg persunas èn vegnidas blessadas. Keystone -
Bild 2 von 2Legenda: Ina crudada da crappa en il Scanvetg ils 30 da november 2013, sur la staziun Lüen-Castiel. Keystone
Er las Viafiers federalas svizras quintan cun dapli ristgas en connex cun il stgaudament dal clima. Per onn impunda ella 15 milliuns francs per mantegnair e bajegiar indrizs da protecziun.