En l'ospital chantunal a Cuira èn actualmain tut ils 10 letgs sin la staziun intensiva regulara occupads. La staziun supplementara da pandemia era gist pir vegnida serrada l'entschatta fanadur – uss saja quella dentant puspè necessaria, di Dajan Roman, il pledader da medias da l'ospital chantunal.
La mancanza da letgs na saja dentant betg l'unic problem, il punct impurtant saja il persunal e quel saja rar en tut la Svizra. Però sco fin ussa emprovan els da spustar persunal dad autras staziuns per pudair garantir il meglier provediment.
