En il Grischun hai dà l’onn passà 225 averturas dal concurs, 11 pli pauc ch’il 2018. Quai mussan las novas cifras da l'Uffizi federal da statistica.
Svizra ha gì 13'840 concurs
Vis sin l’entira Svizra ha dà en total 13'840 proceduras da concurs envers firmas e privatas (2018: 13 971). Il dumber è sa reducì per 0,9% u 131 cas en cumparegliaziun cun l’onn avant.
Creschì marcantamain è percunter las perditas finanzialas entras ils concurs. Per il 2019 munta la perdita a 2,3 milliardas – in plus da 13,6%. La perdita correspunda dentant a la media dals ultims 10 onns.
Las pli grondas differenzas
En las regiuns grondas hai dà differenzas tranter -2,8% e 2,9%. La pli gronda midada hai da en il Tessin cun in augment da plus 8,2% ed en Svizra dal Nordvest cun in minus da 9,2%. Guardà sin champ chantunal ha las pli grondas midadas a: Genevra cun 137 cas, -7,8%, Basel-Champagna cun 69 cas, -16,6% e Zug cun 56 cas, 25,5% e Glaruna cun 24 cas, 43,6%.
Ord l'archiv
In concurs en il chantun Grischun, che ha dà bler da discurrer.