L'onn 2019 hai dà 2'166 accidents sin las vias grischunas. Quai è in zic damain che l'onn avant. Il dumber da persunas ch'èn sa disgraziadas è però restà cun 13 persunas tuttina. Quai mussa la nova statistica da l'Uffizi federal da vias ASTRA.
Dapli vehichels e pli pauc accidents
Ch'il dumber d'accidents è restà pli u main tuttina considerescha la chanzlia chantunala sco positiv. Cunzunt sch'ins resguardia ch'il dumber da vehichels el chantun saja creschì l'onn passa per 1'400.
Dapli accidents sut influenza d'alcohol
En cumparegliaziun cun ils davos 5 onns è dentant creschì il dumber d'accidents chaschunads sut l'influenza d'alcohol. Dad accidents cun peduns è ina persuna morta l'onn passa. Il pli savens èn accidents capitads pervia da spertadad memia auta. Era la distracziun è in motiv che chaschuna blers accidents sin las vias grischunas.
Per tadlar curt e concis: