Nov projects han superà las votaziuns a l'urna
Las votaziuns èn l'emprim obstachel per pudair realisar las ovras grondas en il territori alpin. Ils abitants e las abitantas da la vischnanca nua ch'il project è planisà ston dir Gea a quel. L'onn 2023 è vegnì votà 10 giadas en differentas vischnancas davart ovras solaras. Surmuntà quest obstachel han ils suandants projects:
- Ovra solara sin il Vorab, Laax
- Ovra solara tranter plazza aviatica e Flaz, Samedan
- Ovra solara Scharinas, Tujetsch
- Ovra solara Nalps, Tujetsch
- Ovra solara Motta Naluns, Scuol
- Bernina Solar, Poschiavo
- Ovra solara Madrisa, Claustra
- Ovra solara Alp Magriel, Mustér
- Ovra solara en il territori da Parsenn, Tavau
Ils projects ch'han obtegnì in Gea tar las votaziuns vegnan en in proxim pass inoltrads tar la regenza. Vegn in project er approvà da la regenza dastga suenter 30 dis uffizialmain vegnir cumenzà cun la construcziun da l'ovra solara. Durant ils 30 dis esi anc pussaivel da far recurs cunter il project.
Dacurt han ils suandants projects survegnì la lubientscha da la regenza grischuna:
- Ovra solara sin il Vorab, Laax
- Ovra solara Scharinas, Tujetsch
- Ovra solara Nalps, Tujetsch
Recurs èn actualmain pendents tar:
- Ovra solara tranter plazza aviatica e Flaz, Samedan
Quatter projects refusads
Quests projects èn vegnids refusads a l'urna u a la radunanza communala:
- Ovra solara Alp Run, Mustér
- Ovra solara Alp da Rueun, Glion
- Ovra solara Alp da Schnaus, Glion
- Ovra Solara Nandro, Surses
