La regenza ha incumbensà la Scola auta da pedagogia dal Grischun da sviluppar e d'introducir in studi da master «Secundar I». Quai sin basa d'in bachelor specific. Tras la nova purschida duai ella scolar las persunas d'instrucziun da tut ils stgalims da la scola populara en il chantun Grischun.
Cun agid da questa purschida duai vegnir prestada ina contribuziun per cuvrir il basegn da persunas d'instrucziun sin il stgalim secundar I en il Grischun. Il nov studi cumenza il pli baud l'atun 2022.