Sur Schiers han ins pudì stizzar ier l'avantmezdi in fieu da rumida, ch'era ord controlla, grazia al sustegn d'in helicopter. Naginas persunas èn vegnidas blessadas. Sco la polizia chantunala scriva è dentant ina surfatscha da radund 1 hectara prada vegnida donnegiada.
Il fieu da rumida lubì, en il territori Grüscher Älpli, è probabel daventà incontrollabel pervia dal suffel. Perquai ch'il territori è maltransibel, han ils pumpiers dal Partenz Anteriur survegnì sustegn d'in helicopter. La polizia ha instradà retschertgas pervi da la causa da l'incendi.