La Clinica Gut cun sedia a San Murezzan survegn in nov schef. Silvan Breitenmoser succeda ad Urs Baumberger che maina la gruppa ad interim dapi il matg. Quai ha communitgà la clinica.Breitenmoser surpiglia sia nova incumbensa l'entschatta da l'auter onn.
Breitenmoser ha 40 onns e viva a Fläsch. El è econom e revisur. Ils ultims onns ha el lavurà sco schef da finanzas e CEO da la CHC Holding tar la quala er il center dal cor e neurologia a Münsterlingen tutga. El haja pia bler'experientscha sco per manar en l'avegnir, scriva la clinica.
Or da l'archiv:
La Clinica Gut è vegnida fundada dal 1929 dal medi Paul Gut da San Murezzan. Dapi il 2021 appartegna la Clinica Gut a la Fundaziun da l'Ospital chantunal e vegn era manada d'els. Fin dal 2023 hai dà ina nova Clinica Gut a San Murezzan Bogn per radund 35 milliuns francs.
