Bunamain la mesadad da la populaziun da Cuira viva en il Quartier dal Rain. Raschun avunda da far visita! Durant in'emna stat il Quartier dal Rain II (la part datiers dal Rain) en il center. Qua ina survista dal svilup, cifras e fatgs sco era inqual impressiun en furma da fotografias.
1 / 6
Legenda:
Las chasas autas dal Quartier dal Rain a Cuira
Flavio Deflorin
2 / 6
Legenda:
Las chasas autas dal Quartier dal Rain a Cuira
Flavio Deflorin
3 / 6
Legenda:
Las chasas autas dal Quartier dal Rain a Cuira
Flavio Deflorin
4 / 6
Legenda:
Las chasas autas dal Quartier dal Rain a Cuira
Flavio Deflorin
5 / 6
Legenda:
Las chasas autas dal Quartier dal Rain a Cuira
Flavio Deflorin
6 / 6
Legenda:
Las chasas autas dal Quartier dal Rain a Cuira
Flavio Deflorin
RTR en il Quartier dal Rain
Avrir la boxSerrar la box
Durant tschintg dis va RTR per las vias en il quartier per chattar las istorgias che persunas da là han da raquintar. En quest artitgel vegnan las differentas istorgias rimnadas.
mesemna, gievgia e venderdi tranter las 11:00 e las 12:00 emissiun live or dal bus d'emetter
mesemna e gievgia tranter las 16:00 e las 17:00 concert sin giavisch.
Il bus d'emetter parcain tar la cruschada Rheinstrasse e Giacomettistrasse, gist en la chantunada nua ch'i ha intginas butias ed ina ustaria. Nus ans legrain da Vossa visita tar noss studio sin quatter rodas!
Punct culminant ed il medem mument la finiziun da la visita da RTR furma ina sentupada da quartier. Il venderdi saira a partir da las 17:00 èn abitantas ed abitants dal Quartier dal Rain envidads ad in pitschen apero en l'aula da la scola Barblan.
Enfin la fin dal 19avel tschientaner era la vita a Cuira drizzada envers la citad veglia. Il 1858 è la lingia da viafier Cuira-Rheineck vegnida construida. Quai ha lantschà il svilup dal Quartier dal Rain. Enfin lura era il quartier ina zona d'agricultura. L'emprima chasa da pliras famiglias a Cuira era il Titthof, ch'è vegnida construida il 1870 en la part sura dal Quartier dal Rain.
audio
Quartier dal Rain - pleds internaziunals e vegls sco paun e latg
05:15 min, ord Linguarias dals 20.06.2023.
Maletg: RTR
laschar ir. Durada: 5 minutas 15 Secundas.
Dal 1900 enfin il 1950 è la populaziun da Cuira sa dublegiada da 10'000 sin 20'000 abitantas ed abitants. Quai pervia da la prosperitad economica da Cuira. Bleras persunas èn vegnidas ord las valladas grischunas a Cuira per lavurar. Dapli persunas muntava dentant era ch'i dovra dapli spazi da viver. Cunquai ha il Quartier dal Rain cumenzà a sa midar pli e pli fitg dad ina zona agricula tar in quartier d'abitar. Da quest temp è era l'auto arrivà a Cuira. Malgrà ch'igl era enfin il 1925 scumandà da charrar cun auto en il Grischun, era quai a Cuira gia lubì. Cun ils autos che han conquistà la citad, è era il basegn da dapli planisaziun creschì. Uschia è lura l'idea da la Ringstrasse naschida. Cun la Segunda Guerra mundiala è la construcziun da quella dentant sa retardada.
00:25
video
Svilup da Cuira da 1890 fin a l'onn 2020
Or da Giuventetgna dals 19.06.2023.
laschar ir. Durada: 25 Secundas.
Suenter la guerra è la populaziun da Cuira creschida vinavant, e l'infrastructura vegn schlargiada adina pli fitg. Il 1960 ha la citad decidì davart ina lescha per la construcziun da chasas autas. Lura è era la Ringstrasse vegnida bajegiada e curt suenter l'autostrada A13. Adina dapli chasas autas vegnan construidas, era en il Quartier dal Rain. Ina maschaida da chasas autas, chasas d'ina famiglia e abitaziuns da societads cooperativas daventan tipic per il Quartier dal Rain.
audio
L’istoricra Karin Fuchs declera il svilup dal quartier
03:55 min, ord Actualitad dals 19.06.2023.
Maletg: RTR
laschar ir. Durada: 3 minutas 55 Secundas.
Oz viva prest la mesadad da la populaziun da Cuira en quest quartier, ch’è il pli grond quartier d'abitar da la citad. Vi da la zona agricula d’avant 1900 regordan sulettamain singuls bains purils, sco per exempel quel en la via da la Untere Plessurstrasse tar il «Schelmenbrüggli».
Il quartier or da la perspectiva d'utschè
1 / 12
Legenda:
1923 – be prads e singulas chasas
Anc hai be singulas chasas sut la staziun. Tranter auter er tar la Rheinstrasse che maina sco oz da la citad giu al Rain.
Biblioteca ETH Turitg, archiv da maletgs
2 / 12
Legenda:
1945 – i crescha plaunsieu
La vista sin Cuira durant esser sin viadi a la chamona dal Calanda. La Ringstrasse na datti betg anc.
Biblioteca ETH Turitg, archiv da maletgs
3 / 12
Legenda:
1946 – chasas da pliras famiglias
Cunzunt chasas d'ina e pliras famiglias domineschan la surfabricaziun dal quartier dal Rain.
nossa istorgia
4 / 12
Legenda:
1954 – blocs d'abitaziuns
Las chasas vegnan construidas adina pli fitg a moda concentrada ed er la Ringstrasse prenda furma.
Biblioteca ETH Turitg, archiv da maletgs
5 / 12
Legenda:
1964 – in quartier sa sviluppa
Sutvart la Ringstrasse era il Quartier dal Rain anc vi da crescher. Las duas chasas autas sanester en il maletg sa chattan en la Kurfirstenstrasse.
Biblioteca ETH Turitg, archiv da maletgs
6 / 12
Legenda:
1965 – A13 en construcziun
Durant che la via naziunala A13 è anc en construcziun, s'extenda la surfabricaziun cun blocs adina pli fitg vers il Rain.
Biblioteca ETH Turitg, archiv da maletgs
7 / 12
Legenda:
1970 – Surbajegiada Sardona en construcziun
La surbajegiada Sardona cunfinescha en il vest cun la Rheinstrasse (betg pli en il maletg), en il nord cun la Austrasse, en il Sid cun la Giacomettistrasse ed en l'ost (oz) cun la Scalettastrasse. La surbajegiada che sa chatta oz giusut la Scalettastrasse da maun dretg n'exista anc betg. Ulteriuras chasas autas èn en planisaziun.
Biblioteca ETH Turitg, archiv da maletgs
9 / 12
Legenda:
1978 – edifizis novs en il Quartier dal Rain
La Plessur furma da quest maun il cunfin dal Quartier dal Rain.
Biblioteca ETH Turitg, archiv da maletgs
10 / 12
Legenda:
1979 – Austrasse e Sardonastrasse
Davantvart èn ils schrebertins per lung da la Austrasse. Las trais chasas autas sa chattan a la Sardonastrasse. E tar la cruschada en furma da Y sanester en il maletg sa chatta la scola Rheinau.
Biblioteca ETH Turitg, archiv da maletgs
11 / 12
Legenda:
1986 – vista vers Surselva
Suenter il funs vegn la Scalettastrasse. Paucs onns pli tard è era il terren davant da la Scalettastrasse surbajegià cun chasas da pliras famiglias.
Biblioteca ETH Turitg, archiv da maletgs
12 / 12
Legenda:
2020 – Quartier dal Rain II
L'entir Quartier dal Rain cumpiglia da grop l'entir territori sutvart la staziun. La citad ha partì quest quartier en trais parts I, II e III. En questa fotografia ord l'aria direcziun nordvest vesan ins la part Quartier dal Rain II: I sa tracta dal territori sut la Ringstrasse e d'in maun furma la Plessur il cunfin da l'auter la Scalettastrasse.
Citad Cuira
audio
Inqual fatg e cifra
04:58 min, ord Actualitad dals 20.06.2023.
Maletg: RTR
laschar ir. Durada: 4 minutas 58 Secundas.
audio
Tge è tipic en il quartier dal Rain
01:22 min, ord RTR Audio dals 20.06.2023.
Maletg: RTR
laschar ir. Durada: 1 minuta 22 Secundas.
audio
Prevista da la visita da RTR en il Quartier dal Rain
05:59 min, ord Actualitad dals 19.06.2023.
Maletg: RTR
laschar ir. Durada: 5 minutas 59 Secundas.
Il Quartier dal Rain en 3 parts
Cunquai ch'il Quartier dal Rain è uschè grond, discurra la citad da las trais parts I, II e III. Il Quartier dal Rain I sa chatta sut la staziun da Cuira e cunfinescha cun la Plessur, la Ringstrasse e la Via da Masans. Il Quartier dal Rain II è sut la Ringstrasse e ha ils cunfins tar il Rain, la Plessur e la Scalettastrasse. Il Quartier dal Rain III è era sut la Ringstrasse tranter la Scalettastrasse e la Via da Masans enfin tar il Rain.
Legenda:
RTR
La populaziun
En il Quartier dal Rain abitescha prest la mesadad da la populaziun da Cuira, numnadamain varga 18'000 persunas. En il Quartier dal Rain II ch'è en il focus da nossa rapportaziun abiteschan bun 7'200 persunas (cifras da la citad dal 2019). In quart da las persunas che abiteschan là, han lur ragischs en l'exteriur. En il Quartier dal Rain II datti duas unitads da scola cun scola primara e scoletta: Rheinau e Barblan. Quellas dumbran en tut 550 scolaras e scolars.
