Barbara Janom Steiner e Giovanni Jochum vegnan en l'avegnir a represchentar ils interess dal Grischun en il concern d’energia Repower. La radunanza generala ha elegì mesemna ils dus candidats ch’eran vegnids proponids da la regenza grischuna en il cussegl d’administraziun.
Barbara Janom Steiner (anteriura PBD) è stada en la regenza grischuna dal 2008 fin il 2018 e presidiescha la Banca naziunala svizra. Giovanni Jochum (PLD) è president communal da Poschiavo ed ha lavurà en pliras funcziuns directivas da la Repower.
Sco presidenta è vegnida reelegida Monika Krüsi. Peter Eugster, dr. Urs Rengel e Beat Huber èn vegnids reelegids en il cussegl administrativ. En pli ha la radunanza generala approvà il quint dal 2022 che quel serra cun in gudogn da 46 milliuns francs.
