Encunter in anteriur derschader da la Dretgira administrativa grischuna vegn accusà pervi da delicts sexuals. Sco RSI rapporta haja la procura publica terminà l'inquisiziun ed haja avunda mussaments per accusar il derschader. Quel era sa retratg avant in onn, suenter ch'el era vegnì inculpà d'avair violà ina praticanta.
Avant che la procura publica accusa, sto dentant la Dretgira chantunala sclerir tge dretgira ch'è responsabla. I pudess esser che la Dretgira da la regiun Plessur na saja betg nunpartischanta, pervi da l'anteriura relaziun professiunala cun il derschader. Per l'accusà vala la presumziun d'innocenza.