La regenza ha er approvà in project da correcziun d'in curs d'aua en la vischnanca da Claustra per construir rempars en il Sagenbach. Dals custs totals da 1,9 milliuns francs surpiglian il chantun e la Confederaziun maximalmain var 1,1 milliuns francs.
Per franar l'activitad d'erosiun da l'aual, è il curs dal flum vegnì stabilisà en il passà sin lungs trajects cun rempars da correcziun. Dacurt han differentas auas grondas donnegià ils rempars existents. En il rom dal project approvà vegnan installads rempars d'atschal supplementars ed ina bloccada en furma da chascha sco er stabilisads rempars existents en il sectur dal «Mittelberg» tar «Abibela».