Camiuns na dastgan betg pli charrar sin la via principala tranter la rundella da Favugn e la rundella da las Ovras da Domat. Suenter la vischnanca da Domat e l'Uffizi federal responsabel ha er la regenza grischuna approvà quest scumond.
Sco la regenza scriva, saja quest scumond in’emprova che cuzza maximalmain 5 onns. Sche la via naziunala N13 vegn serrada vegn il scumond per ils camiuns da charrar tras Domat mintgamai abolì a curta vista. Sch’il scumond avess dad avair consequenzas negativas, po il chantun interrumper quel mintga mument.
