La Regenza grischuna auza il sustegn finanzial per tut las purschidas uffizialas da la tgira d'uffants cumplementaras a la famiglia.
A partir dal prim d'avust 2024 surpiglian chantun e vischnancas 25% dals custs da norma, enstagl da 20% sco fin uss. Ils custs da norma vegnan era adattads, e muntan nov a 9,85 francs empè da 9,60 francs fin ussa.
Uschia cuntanscha la Regenza la finamira d'augmentar fin il 1. d'avust 2024 ils meds finanzials, sco quai ch'ella è formulada en la missiva tar la nova Lescha davart la promoziun da la tgira d'uffants cumplementara a la famiglia en il chantun Grischun (LTGU).