Il manader ad interim da la procura publica, Franco Passini, relativescha la reducziun envers il schurnal regiunal da SRF. Quella vegnia cunzunt da cas simpels, pia surpassaments sco per exempel d'ir senza bigliet cun il traffic public u da charrar memia svelt cun l'auto.
Quai haja chaschunà ina reducziun da radund 200 cas, cumpareglià cun l'onn avant. Il dumber da pendenzas tar delicts pli grevs e cumplexs che basegnan pli blera lavur è restà stabil. Dapli lavur haja la procura publica dal Grischun pervia d'in pli aut dumber da cas d'arrests d'inquisiziun. Là haja dà 50 cas, la mesadad haja da far cun la scena da drogas a Cuira. Uschia saja la chargia da lavur da la procura publica restada fitg auta.