Silva Brocco-Ponzio è la nova secretaria generala da la Pro Grigioni Italiano, PGI, che promova il talian en il Grischun. Quai è vegnì publitgà oz sin la pagina d'internet da l'organisaziun.
Brocco-Ponzio è creschida si en la regiun Moesano. Dapi il 2020 è ella collavuratura culturala da la PGI Moesano e dapi l'entschatta da l'onn latiers vice-secretaria generala da la PGI. Plinavant è Silva Brocco-Ponzio vice-presidenta da Roveredo. Igl è previs ch'ella cumenza sia nov'incumbensa l'entschatta favrer da l'auter onn.
