Dapi in onn datti en il chantun Grischun in program per prevegnir al cancer da la beglia. Sco che la Lia dal cancer scriva, haja ella tramess dapi l'october 2020 en tut 10'000 scrivers a persunas ch'èn en la gruppa da ristg, vul dir ch'èn pli veglias che 50 onns. En tut hajan 30% lura fatg part ad ina consultaziun da prevenziun. Quai saja guardà sin l'entira Svizra in bun resultat. Far part al program munta da far sez u laschar far in test dal passacorp ubain ina examinaziun dal begl gross. Tar en total 900 persunas hajan ins uschia constatà polips che pon esser in emprim stadi da cancer. Cun allontanar quels possian ins prevegnir al svilup dal cancer, scriva la Lia da cancer vinavant.
Ord l'archiv
L'october 2020 è la campagna per prevegnir al cancer da la beglia vegnida lantschada en il Grischun.