Il 1997 è vegnida fundada la Fundaziun Premi grischun da litteratura tras il testament da dunna Milly Enderlin (1916 – 1997). Dapi là han gia 21 scripturs e scripturas gì l'onur da vegnir premiads. Quest onn è quai l'autura Romana Ganzoni.
Romana Ganzoni è naschida il 1967 a Scuol. Ella ha fatg la matura a Ftan ed ha suenter studegià istorgia e germanistica a l'Universitad da Turitg. Suenter ha ella instruì var 20 onns en divers gimnasis a Turitg ed en Engiadina. Dapi in pèr onns n'instruescha ella betg pli e sa concentrescha dal tuttafatg sin il scriver. Ella ha scrit 2 romans per tudestg, ma ella scriva er bler auter e per part er per rumantsch.
Ella stat a Schlarigna, è maridada cun il giurist Riet Ganzoni, els han ensemen 3 uffants.
RTR actualitad 17:00