La mesemna curt suenter las otg ha ina collavuratura vulì entrar en il biro tras l'entrada da persunal. En quai mument ha in um mascrà – ch'era suandà ella – stuschà ella tras la porta. Cun ina pistola enta maun ha el pretendì ch'ella dettia ad el tut ils daners. Cun plirs millis francs en in satgados ha il lader bandunà la posta da l'entrada da persunal en direcziun da la via chantunala.
La polizia supplitgescha persunas ch'han observà il rapiment da s'annunziar tar il post da polizia Montalin a Landquart ubain tar in auter post.