Poschiavo - Auto da furniziun è ars cumplettamain

A Poschiavo è ars in auto da furniziun cumplettamain glindesdi bun'ura, ha communitgà la Polizia chantunala dal Grischun. Durant ses viadi en direcziun Pass dal Bernina ha il manischunz remartgà ch'i vegniva fim si dal palantschieu da la cabina. El è sa fermà a l'ur da la via ed ha pudì ir en segirtad. Curt suenter ha l'auto piglià fieu. Ils pumpiers da Poschiavo han pudì stizzar il fieu svelt. La via dal Bernina è però stada serrada per radund in'ura.