Il pledader da l'uvestgieu da Cuira Giuseppe Gracia banduna immediatamain la diocesa, hai num en ina communicaziun. El sa legria suenter 10 onns d'ina nova sfida en la sparta da communicaziun.
Manà discurs cun il nov uvestg
El haja manà discurs cun il nov elegì uvestg da Cuira Joseph Bonnemain, scriva Giuseppe Gracia. Els sajan vegnì a la conclusiun d'ir vias separadas.
Joseph Bonnemain ed jau essan omadus da l'avis ch'ina nova entschatta en la diocesa da Cuira dovra er ina nova fatscha per la lavur da communicaziun.
Il meglier ina dunna, quai giavischia el a la diocesa. Giuseppe Gracia è dapi il schaner 2011 l'incumbensà da l'uvestg per medias e communicaziun. Avant è el stà il schef da communicaziun da l'uvestgieu da Basilea.