In'emprima bilantscha intermediara da las pendicularas da Lai ed Arosa mussa che omaduas han cumenzà cun bunas cifras en la stagiun d’enviern enfin il favrer (+13% svieuta). Durant il mars han ellas dentant nudà in minus pervi da la pandemia da corona ed il lockdown (-1,6% svieuta cumpareglià cun l'onn avant). Las pendicularas da Lai quintan cun ina perdita da la svieuta da 3,7 milliuns francs. Tuttina: omaduas pendicularas, Lai ed Arosa, quintan sin la fin da l’onn cun in resultat da fatschenta gulivà. Quai sur tut grazia a reservas.
Prognosas per l'onn da gestiun 2020/21
Co l'onn da gestiun proxim, che cumenza il prim da matg guardia ora, na possian ins betg dir. I na saja anc betg previsibel quant svelt che las mesiras vegnian schluccadas per pendicularas. Ins sa fatschentia cun plirs scenaris. Las investiziuns planisadas per la stad 2020 duain dentant vegnir fatgas.