La via dal pass Lucmagn è puspè averta suenter la crudada da crappa. Quai almain sin in vial. Las lavurs da rumida e da perfuraziun marschian, ha l'Uffizi da construcziun bassa communitgà.
Per motivs da segirezza ston ulteriuras massas da crappa però vegnir allontanadas. Il glindesdi hajan ins pudì siglientar ina part dal grip instabil da radund 400 meters cubics.
Ulteriurs 500 meters cubics smanatschan medemamain da vegnir a val. Perquai vegn il grip per il mument surveglià e las proximas emnas lura siglientà.
