La deputada da la PS Silvia Hofmann duai daventar la vicepresidenta dal Cussegl grond. Sco che la fracziun socialdemocratica scriva en ina communicaziun, haja ella nominà unanimamain la politicra da Cuira per l'elecziun da l'avust en il Cussegl grond. Cun quai daventass Hofmann tenor usit il 2024 la presidenta dal Cussegl grond.
Hofmann è dapi il 2018 en uffizi, ella è gia stada presidenta da la cumissiun da gestiun dal Cussegl grond ed è commembra dals cussegls da fundaziun da l'Ospital chantunal e l'Archiv cultural da dunnas e la Biblioteca da citad da Cuira nua ch'ella è er presidenta.
Actualmain è Tarzisius Caviezel da la PLD president dal Cussegl grond, vicepresident è Franz Sepp Caluori da l'Allianza dal center. El duai lura surprender l'onn che vegn il post dal pli aut Grischun.
