En l'ospital chantunal a Cuira datti dapi ils 4 da schaner 4 novas salas d'operaziun cumplainamain digitalisadas. I sa tracta da salas d'operaziun ibridas en quellas ch'ins po era operar navigà.
Tenor communicaziun saja uschia stà pussaivel da transferir l'activitad operativa da l'ortopedia da l'Ospital da la Crusch a la sedia principala e da stgaffir ulteriuras capacitads d'operaziuns.
La segunda part dal nov edifizi principal e otg ulteriuras salas d'operaziun vegnan ad esser a fin il onn 2026. Enfin lura è anc la veglia partiziun dad operar en funcziun.