Cun l'urari 2021 da las Viafiers federalas datti levamain dapli colliaziuns tranter Turitg e Cuira.
Uschia parta la saira il tren spert IC trais da nov er anc a las 22 e 37. Ed en temps cun bler turists, dettia tranter Turitg e Cuira in tact da mes'ura senza interrupziun, scriva la SBB.
Dapli e pli spertas colliaziuns èn plinavant da spetgar sin l'axa nord-sid. E dapli trens curseschan era da Turitg vers Son Gagl e vers Minca.
L'urari 2021 va en vigur ils 13 da december.