Dapi il 1999 fa Conradin Klaiss part da la squadra dal «Cuors romontsch sursilvan intensiv» da la Fundaziun Retoromana Pader Flurin Maissen. L’emprim sco scolast da lingua, pli tard sco manader operativ, e dapi il 2019 sco directur dal curs.
Tranter auter vegn el a s’engaschar per ina publicaziun online dals dus vocabularis da la FRR. I sa tracta dal vocabulari sursilvan-franzos e dal vocabulari franzos-sursilvan che Jean-Jacques Furer, commember dal cussegl da fundaziun da la FRR, ha redigì en il decurs dals davos 40 onns.
Conradin Klaiss è manader da scola diplomà e scolast secundar. El ha instruì 12 onns e manà trais onns il Consorzi da scola Rueun e conturn. Ultra da quai è l'um da 47 onns stà durant 8 onns commember da la direcziun da la Lia Rumantscha e manader da la furmaziun.
