In Svizzer da 71 onns e sia dunna da 69 onns èn viagiads ca. las 16:25 en direcziun sid. Sin la Ponte Cebbia, curt avant l'access Mesocco nord, èsi vegnì tar ina collisiun frontala cun in auto da persunas che vegniva encunter. En l’auto seseva in manischunz tudestg da 41 onns.
Pervi da la collisiun vehementa èn domadus vehichels vegnids catapultà plirs meters pli lunsch ed èn sa fermads totalmain donnegiads sin il vial.
Ils pumpiers da San Bernardino e da l'Alta Mesolcina han deliberà or dal vehichel il Tudestg grevblessà. Blessà grevamain è er vegnida la passagiera da l'auto da persunas che charrava en direcziun sid. Duas squadras da la Rega han provedì ils dus grev blessads cun medischina d'urgenza e sgulà els en l’ospital.
L'um svizzer da 71 onns è vegnì blessà mezgrev, provedì medicinalmain d'in team da l'ambulanza Moesano ed è vegnì transferì en in ospital.