I duai esser in lieu per vegnir ensemen e per parter l’interess per instruments, di la presidenta da l’uniun Grischun musica, Giulia Gasser. La sonda en damaun era la Werkstatt a Cuira gia emplenida fitg bain, cun quai na avessan els betg fatg quint. L’atmosfera è patgifica: la glieud guarda cun ruaus sin las maisas cun si instruments da tuttas sorts, sin las plattas e sin ils accessoris. Tranteren datti ina dumonda davart l'instrument u uschiglio ina baterlada. Intgins baivan in café ed auters prendan en maun ils instruments e sunan intgins accords.
-
Bild 1 von 3Legenda: Ghitarras èn stadas fitg dumandadas al martgà. RTR
-
Bild 2 von 3Legenda: Plattas hai dà bleras e da tut divers pretschs: da 20 francs enfin 350 francs. RTR
-
Bild 3 von 3Legenda: Ella è sa decidida da vender ses saxofon, cun quel ch'ella ha emprendì da sunar. RTR
Questa qua davos ma plascha pertge ch’ella è veglia dentant fatga nova. Jau pens che quai fiss in’investiziun.
Ina dunna porta per exempel ses saxofon per vender. Gia ella ha cumprà quest ord segund maun per 500 francs ed emprova da vender el uss per 380 francs. In auter è a guardar ina ghitarra electrica. El haja schon a chasa quatter ghitarras dentant sajan quai bunas investiziuns per el. Il student saja pront da pajar fin a 2'500 francs per ina. En la Werkstatt ha el vesì ina che plascha, dentant vuleva el en sasez mo vegnir a dar in sguard, betg per cumprar, di el cun in surrir. Ses collega da band di, che qua na possia el betg cumprar bler, el sco chantadur na sa betg sunar propi bain in instrument. Per el sajan dentant las plattas interessantas. I dat da tuttas sorts, questas che custan 20 francs – autras che custan 350 francs. In auter um è adina puspè sin martgads. Il pli gugent venda el l'orgelet da bucca. Cun declerar dat el gist anc in curt concert. Ins auda adina puspè tuns che vegnan dals instruments. Betg tuts corrects, dentant para che la glieud ha plaschair.
L’emissiun preschenta furmaziuns da brass, armonias, fanfaras, musicas militaras, furmaziuns pitschnas ed auter pli.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.