Envers el regia disfidanza, scuidanza e memia pauc chapientscha per sia posiziun. Quai di Martin Wieland envern RTR. Dapi 2019 è el president communal da Tumein, insatge sumigliant sco ils davos mais haja el dentant anc mai resentì. En la radunanza communala dal matg saja el vegnì attatgà verbalmain a moda e maniera vehementa ed era la radunanza dal settember cun la madema tractanda saja stada indegna.
Sanadad è pli impurtant che la politica
Per Martin Wieland n’è betg il resultat decisiv, mabain la moda e la maniera co ch’i saja vegnì discutà é il motiv per sia demissiun: «Quai m’ha demotivà persunalmain fitg ferm», scriva Wieland en sia brev da demissiun. Ord vista politica saja l’unic chapital ch’in president communal haja, la confidenza. E sche quella n’existia betg, na fetschia per el nagin senn pli da s’engaschar. Sia sanadad saja pli impurtanta ha el ditg reflectond sin l'ultim mez onn. Cun inoltrar il scriver da demissiun saja quai stà in grond levgiament.
