La vischnanca da Malans ha fatg l'onn passà in gudogn dad 1,9 milliuns francs. Quai è dapli che budgetà. La raschun per il bun resultat sajan tranter auter entradas da taglia pli autas. Investiziuns nettas ha Malans fatg per bun sis milliuns francs. La radunanza communala ha approvà il quint 2022 senza discussiun.
Medemamain senza cuntravusch ha la radunanza approvà in credit da 165'000 francs per sanar la halla polivalenta Eschergut.