La radunanza communala da Maiavilla ha approvà il quint annual da l'onn passà. Quel serra cun in gudogn da passa 1,5 milliuns francs. Plinavant han ils da Maiavilla approvà plirs supplements e credits, tranter auter 2,25 milliuns francs per cumprar ina halla cun biros ed abitaziuns da la Gebrüder Möhr SA.
Renvià ha la radunanza communala la construcziun d'in nova canorta e maisa da mezdi per uffants da scola. Il cussegl da la citad duai anc ina giada surlavurar il project fin la proxima radunanza il december. Dentant è vegnì approvà in provisorium a partir dal proxim onn da scola.
audio
Per tadlar: las novitads da las 06:00
ord RTR Audio dals 20.06.2024.
laschar ir. Durada: 4 minutas 2 Secundas.