Il fanadur na sa ferman ils blers trens che derivan da la Surselva betg a Domat. Dals 3 enfin ils 28 da fanadur installescha la Viafier retica canals da cabels a la nova staziun da Domat. Sin binari 1 na stat uschia betg a disposiziun ina zona uschè lunga per passagieras e passagiers. Per motivs da segirtad na dastgan trens d'ina tscherta lunghezza perquai betg sa fermar. Quai communitgescha la Viafier retica.
Concret pertutga quai ils trens lungs che van davent da Mustér tranter las 06:44 e 18:44 e che tegnan mintgamain las xx:54 a Domat. Ils trens pli curts che van avant e suenter tegnan tuts tenor plan a Domat.
Uschia ston las passagieras e passagiers che piglian quest tren e vualan ir a Domat quintar cun dapli temp da viadi. Perquai che a Rehanau-Tumein ston las passagieras ed ils passagieras midar tren. Ils passagiers che van da Domat fin Cuira, ston prender in tren avant per cuntanscher la colliaziun a Cuira.