Isabella Cathomen da Falera era oz en la quarta runda dal gieu dal Radio Rumantsch. La pussaivladad da gudagnar ina pluna daners era qua. La tensiun era auta e durmì aveva Isabella miserabel. In bun sustegn ha ella survegnì ella da ses um Luzi.
Atgnamain era tut sin buna via, dentant lura èn suandadas las dumondas sportivas dal passlung. Tut ha stuì ir svelt ed uschia èn ils Cathomens sa stgarpitschads tar quellas dumondas.
In pau dischillusiunads èn els schon. Dentant – tgi che vul giugar sto era pudair sperder.
