La villa Brügger amez la citad da Cuera na dat betg pli dimora al cusseglier guvernativ. Il manader dal Departament d’infrastructura, energia e mobilitad dal Grischun ha bardiglià pli a l’ur da la citad – en il nov bajetg dal chantun «Sinergia». Quai dentant cun radund tschintg mais retard pervi da covid-19.
La mesemna ha Mario Cavigelli gì ses emprim di da lavur en il nov edifizi. En in mais duain lura tut las 440 collavuraturas e collavuraturs esser en l’edifizi plain tecnologia.