Cun la primavaira ha era cumenzà la stagiun da lutga. Quest onn è era puspè la lutga dad Unspunnen ils 26 e 27 d’avust ad Interlaken. La festa ha lieu mo mintga sis onns e vala perquai sco punct culminant da la stagiun – sumegliant sco la Festa federala da lutga.
Per il meglier lutgader da l’onn 2016, Armon Orlik ha la stagiun cumenzà bain. Orlik ha gia gudagnà duas festas. L’ultima avant trais emnas, numnadamain la festa «Rheintal-Oberländisches» a Trübbach. Dumengia cumenza la stagiun da lutga cun la Festa da primavaira a Seewis era in Grischun.
Il Radio Rumantsch rapporta dumengia saira suenter las 17:00 en il Sportissimo sur da la Festa da primavaira a Seewis.
RR Sportissimo 17:00