Larissa Bieler era dapi 2 onns schefredactura dal «Bündner Tagblatt». Ella è stada l’emprima dunna al timun d’ina gasetta grischuna.
En ses temp sco schefredactura haja Bieler creà in nov concept per la pli veglia gasetta quotidiana dal Grischun,scriva la Somedia. Bieler da sia vart descriva ses onns tar la gasetta sco «fetg custaivel ed intensiv temp» e sco «grond privilegi».
Schanza professiunala
D'ina vart saja ses pensum da crear il nov concept ademplì. Da l'autra vart dettia per ella ina schanza da sa sviluppar professiunalmain. Tge exact n'ha ella betg vulì tradir. A la fin dal zercladur vegnia ella ad infurmar davart ses futur.
RR novitads 11:30
